МВР: Лишени од слобода девет возачи за безобѕирно управување возило

Во текот на изминатото деноноќие на целата територија на државата, полициските службеници лишиле од слобода девет возачи за безобѕирно управување возило, од кои седум возеле без дозвола, еден под дејство на алкохол и еден со активна забрана под дејство на алкохол - информираат од Министерството за внатрешни работи.  

Двајца возачи во Скопје и по еден во тетовско, Куманово, Гевгелија, Прилеп и Валандово  управувале возило без возачка дозвола. Еден возач во Валандово управувал возило со под дејство на алкохол и еден возач во Свети Николе управувал возило со активна забрана и под дејстов на алкохол. По целосно документирање на случаите ќе бидат поднесени соодветни кривични пријави.

Од МВР апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

МИА