Милевски: Освоивме голем бод против фаворитот Белгија

Селекторот на македонската фудбалска репрезентација, Благоја Милевски ги искажа своите впечатоци по синоќешното реми со Белгија.

Натпреварот во Гент заврши нерешено 0:0, со освоениот бод, нашата репрезентација го задржа првото место на табелата во пресрет на последните два натпревари од квалификацискиот циклус за Светското првенство 2026.

-Можам да бидам задоволен од играта во одбрана, но не и во организација на играта. Извлековме максимум од овој натпревар, иако планот беше да имаме поголем посед, да играме и кон напред. Секако дека и противникот влијаеше на нашата игра. Белгијците имаат одлични играчи во средниот ред. Најважно е дека вечерва го имавме тој „фактор икс“. Да издржиме до крај и кога се браниме, да покажеме карактер. Среќни сме, останавме на првото место и сега треба да се фокусираме на следниот меч, изјави Милевски.

Македонската репрезентација в понеделник (13 октомври) ќе го пречека Казахстан во Скопје.

МИА