СУГС „Здравко Цветковски-Гуц“се прости од својот ученик кој загина во сообраќајката кај Илинден

Со емотивна објава н Фејсбук, средното училиште „Здравко Цветковски-Гуц“ се прости од својот ученик Михаел Арсовски, кој вчера заедно со својот татко загина во тешката сообраќајна несреќа што се случи во близина на Меѓународниот аеродром Скопје.

Тие упатија сочувство до семејството, соучениците и сите кои ги познаваа.

-Со длабока тага ја споделуваме веста за трагичната и ненадејна загуба на нашиот ученик Михаел Арсовски, ученик во Г-4а клас, кој заедно со својот татко трагично го загуби животот. Во овие тешки моменти, нашето училиште упатува најдлабоко сочувство до семејството, роднините, пријателите, соучениците и сите кои ги познаваа. Михаел ќе остане засекогаш во нашите сеќавања како дел од нашето училишно семејство. Нека почиваат во мир, стои во емотивната објава.