Портланд одржа церемонија во чест на Лилард, кој стана најдобар стрелец на клубот

Портланд ноќеска во рамките на домашната средба со Шарлот, одржа церемонија во чест на Демијан Лилард, кој неодамна стана лидер на клубот по постигнати поени.

Портланд го победи Шарлот со 124:113, Лилард мечот го заврши со 17 поени за 38 минути поминати на теренот и стигна до 18.098 поени во кариерата.

Лилард минатата недела се искачи на врвот на вечната листа на поентери кај Блејзерс, надминувајќи ја клупската легенда Клајд Дрекслер, кој застана на 18.040 поени.

Лилард беше избран на 6. место на драфтот во 2012 година и играше за Портланд во текот на неговата кариера.