Се намалува нивото на Охридското Езеро

Екологистите алармираат нивото на Охридското Езеро повторно се намалува.

Според последните мерења на ЕСМ водостојот е на 8 сантиметри до минималната кота од 693,18 метри надморска височина. Драстичните намалувања и постојаните осцилации најчесто се како резултат на лошото управување и користење на езерото за производство на струја а потребно е и ревидирање на договорот со Албанија.

Од Министерството за животна средина пак посочуваат дека иако е енергетска криза државата треба исклучиво да бара и црпи енергија од обновливи извори како што се сонцето и ветерот.

Намалувањето на водостојот негативно се одразува врз живиот и растителниот свет но и врз самото крајбрежје покрај езерото.

Според експертите, ваквите осцилации не се појава само оваа година, но доколку состојбата продолжи, може да биде загрижувачка.