Инзаги: Интер е во полуфиналето на ЛШ, па не би рекол дека сега сме во тежок период

Тренерот на Интер, Симоне Инзаги ги сподели своите очекувања за првиот полуфинален натпревар од Лигата на шампионите против Барселона.

-Интер е во полуфиналето на Лигата на шампионите, па не би рекол дека сега сме во тежок период. Сите со нетрпение го очекуваме натпреварот, предизвикуваме еден од најдобрите тимови во светот и еден од најофанзивните тимови. Ќе има моменти кога ќе треба да бидеме трпеливи. Технички треба да играме беспрекорно. Барселона е тим кој е добро граден со текот на времето. Таа има се да игра на највисоко ниво. Ханси Флик одлично го води процесот, како што направи во Баерн и германската репрезентација. Треба да им се честита и за одличната работа што ја прават со младите. Големите таленти растат во нивната академија. Ламин Јамал е уникатен фудбалер. Тој игра добро индивидуално и е многу корисен за тимот, изјави Инзаги во пресрет на дуелот со Каталонците.

Првиот полуфинален натпревар од Лигата на шампионите Барселона – Интер ќе се одигра вечер со почеток во 21 часот.

Интер на гостувањето кај Барселона оди со три порази по ред, па домаќините се фаворити на овој натпревар.