Алегри по поразот од Аталанта: Примивме гол уште од самиот почеток, а потоа се распаднавме

Тренерот на Милан, Масимилијано Алегри, ги кажа причините за поразот од Аталанта (2:3) синоќа на домашен терен во натпревар од 36. коло од првенството во Серија А.

– Нема смисла да зборуваме за тоа што веќе се случило, бидејќи не можеме да го промениме. Сè што можеме да направиме е да работиме напорно следната недела и да бидеме подготвени за натпреварот против Џенова, кој ќе биде одлучувачки за нашиот пласман во Лигата на шампионите.

Вечерва, работите започнаа прилично добро во првите 10 минути, потоа го примивме тој гол уште од самиот почеток, а потоа се распаднавме. Во второто полувреме, кога веќе губевме со 3:0, реагиравме силно. Барем повторно почнавме да постигнуваме голови. Знам дека можеби изгледа чудно, но е добар знак.

Секако, никој не очекуваше толку тежок момент. Знаев дека ќе има пад во текот на сезоната, но во моментов само треба да се фокусираме на следниот натпревар против Џенова, тим кој често постигнува добри резултати дома, изјави Алегри за „DAZN“.

Милан со 67 бода по 36 натпревари е четврти на табелата во италијанското првенство. 

МИА