Земјотресот со јачина од 4,5 степени ја погоди денеска централна Турција

Земјотресот со јачина од 4,5 степени ја погоди денеска централна Турција, објавено е на веб-страницата на Европскиот медитерански сеизмолошки институт. Земјотресот се случил на длабочина од пет километри, на 66 километри северозападно од Кахраманмарас, град со речиси 400.000 жители.

Кахраманмарас беше епицентарот на двата разорни земјотреси со јачина од 7,7 и 7,6 степени според Рихтер, кои ја погодија Турција на почетокот на годината.

Претседателот Владимир Путин ја обвини Полска, како членка на НАТО, дека има територијални амбиции кон поранешниот Советски Сојуз и рече дека секоја агресија врз рускиот сосед и близок сојузник Белорусија ќе се смета за напад врз Русија. Полскиот Комитет за безбедност во средата одлучи да премести воени единици во источна Полска, откако членовите на руските платенички сили Вагнер пристигнаа во Белорусија.

Ако сакаат да ја предадат (својата држава) и да предадат некои работи, како што прават сите предавници, за да им се оддолжат на сопствениците, тоа е нивна работа. Нема да се мешаме. Но, што се однесува до Белорусија, таа е дел од државата на Унијата. Агресијата против Белорусија ќе значи агресија врз Руската Федерација.  Ќе одговориме на тоа со сите средства што ни се на располагање, рече Путин.

Полска негира какви било територијални амбиции кон Белорусија.