Вашингтон и Сакраменто му понудија договор на Вестбрук пред неговото пензионирање

Екипите на Вашингтон и на Сакраменто му понудија договор на плејмејкерот Расел Вестбрук пред кошаркарот да одлучи да се пензионира.

Според инсајдер Марк Штајн, Вашингтон визардс му понудија на 37-годишниот Американец двегодишен договор, но тој не се согласи со условите и предложената улога. 

Вестбрук беше избран како четврти пик НБА-драфтот во 2008 година. Тој играше за Оклахома Сити до 2019 година. Беше прогласен за најкорисен играч (МВП) на НБА во сезоната 2016/17. Вестбрук беше деветкратен „Ол-стар“.

За време на својата кариера, кошаркарот играше и за Хјустон, Вашингтон, Лос Анџелес лејкерс,  Лос Анџелес клиперс, Денвер и Сакраменто.

Вестбрук помина 18 сезони во НБА. Тој има рекордни 209 трипл-дабл во регуларната сезона на НБА. Го држи рекордот за најмногу трипл-дабл во една сезона со 42 (2016/17).

МИА