Струмица горда на Пандев

Ова, во телефонскиот разговор непосредно пред почетокот на историскиот натпревар со Грузија му го посaкал Ристо Пандев на неговиот син, на капитенот на  македонската репрезентација. Како и сите,  ја посакувал победата и силно се надевал на успех, но сепак имал одредена доза на страв и не сакал пред време да се рабува бидејќи  утакмицата беше тешка.

Натпреварот го следел сам. Вели така е најдобро, затоа што на тој начин бил  фокусиран на натпреварот. Нема никаква замерка, ниту на играта на Горан,  ниту пак на другите репрезентативци.

Во Струмица и денеска се чувствува славеничка атмосфера. Освен за Горан Пандев, честитки од сите страни пристигаат и до неговите родители. Но,  татко му Ристо вели и покрај тоа што голот го постигна Горан  успехот не е само негов, туку на цела репрезентација и стручниот штаб.  Додава дека  без разлика, кој и да го дадеше голот исто ќе се радувавме.

На прашањето од кого Горан Пандев ја има наследено упорноста, татко му со одговор дека тоа е негова карактерна особина. Кога ќе започне нешто тој сака  да го заврши како што треба и да успее.

Во успесите на Горан Пандев неговите родители верувале уште од самите почетоци во фудбалот. Иако со доза на трема и неизвезност истата верба ја имале и синоќа  додека го следел натпреварот со Грузија. Токму со таква позитивна мисла и верба за нов успех ќе го чекаат почетокот на Европското првенство на кое за прв пат ќе се интонира и македонската химна.