Силно невреме со пороен дожд, грмежи и засилен ветер го зафати Скопје

Скопје попладнево го зафати силно невреме проследено со пороен дожд, грмежи и засилен ветер.

Претходно УХМР соопшти дека попладнево ќе има појава на нестабилност во Скопје

„Попладне ќе има појава на нестабилност со пороен дожд, грмежи и засилен ветер. Во делови од котлината ќе има услови за краткотрајно невреме со појава на град“, известија од УХМР.

Од Управата за хидрометеоролошки работи најавуваат невреме и утре и во петок додека пак саботата следи стабилизација на времето.

Граѓаните се советуваат да бидат внимателни при движење, особено во близина на дрвја, отворени простори и сообраќајници со намалена видливост поради интензивните врнежи.