Саат на Џон Ленон вратен кај Јоко Оно по судски спор

Швајцарскиот суд денеска пресуди дека реткиот часовник што бил поклон за членот на Битлси Џон Ленон од неговата сопруга Јоко Оно ѝ припаѓа нејзе, а не на спорниот приватен колекционер откако бил украден.

Часовникот со марка Patek Philippe, проценет на четири милиони швајцарски франци (4,51 милиони долари), Ленон од Оно го добил во 1980 година, само два месеци пред неговото убиство во Њујорк.

На часовникот стои натписот „(Исто како) почнувајќи одново 10·9·1980 N.Y.C“, реплика од песна што Ленон и Оно ја компонирале заедно, се вели во соопштението на судот.

Жалбената пресуда што Федералниот суд денеска ја сподели со новинарите ги потврдува двете претходни пресуди на судовите во Женева во 2022 и 2023 година.

Со ова завршува повеќегодишната правна битка меѓу Јоко Оно и колекционер од Италија кој живее во Кина, кој тврдеше дека е сопственик на часовникот.