Кошаркарките на Крива Паланка на чекор до прва шампионска титула

Кошаркарките на Крива Паланка триумфираа вечерва на домашен терен над Бадел 1862 со 88-76 и поведоа со 2-0 во финалната серија до три победи во разигрувањето за титулата во Првата „Шпаркасе Лајф“ лига.

Натпреварот број 2 од финалната плејоф серија во салата „Бранители 2001“ наликуваше на случувањата од првиот натпревар.

Веќе во првиот период домашната екипа се стекна со двоцифрено водство (28:17), кое успеа да го зголеми до полувремето (44:27).

Многу подобро беше изданието на гостинската екипа во второто полувреме. Во третиот период од играта, кошаркарките на Бадел 1862 имаа и предност, но успеаја да надополнат само четири поени од негативата која ја имаа на полувремето.

По три четвртини, Крива Паланка имаше водство од 13 поени (67:54) кое го зачува до крајот на натпреварот.

Робинсон со 26. поени беше најефикасна во редовите на Крива Паланка, додека Ниехуес го заврши натпреварот со уште еден дабл-дабл ефект, изразен со 19. поени и 18. скокови.

Во екипата на Бадел 1862, која ќе биде домаќин на третиот натпревар од плејоф серијата, Фримен беше најефикасна со 27.

МИА