Кејн: Фудбалерите немаат збор за одредување на календарот, но никогаш нема да одбијат да играат за трофеи

Фудбалерите немаат збор за одредување на календарот, но никогаш нема да одбијат да играат за трофеи, изјави капитенот на англиската репрезентација Хари Кејн. Зголемен е бројот на натпревари во Лигата на шампионите со новиот формат оваа сезона, а истото треба да се случи и со Светското клупско првенство и Светското првенство следната година.

Кејн настапува за Баерн Минхен, кој се уште е во Лигата на шампионите, а на лето ќе игра на Светското клупско првенство. Ова значи дека тој и неговите соиграчи најверојатно нема да имаат доволно време за одмор.

- Никој не ги слуша играчите, да бидам искрен. Сите сакаат парче од колачот, сите сакаат турнир и награден фонд. Играчите се тие кои треба да се навикнат на сето ова. Ситуацијата е таква каква што е. Сакам да играм фудбал и никогаш нема да се жалам што го правам тоа. Обично имате шанса да се одморите ако правилно управувате со вашето време со помош на тренерот. Има начин да се опоравите. Сепак, не е лесно и ви треба повеќе рамнотежа, што не сум сигурен како можеме да го постигнеме. Тешко е затоа што секој натпревар е важен за клубови како Баерн Минхен. И за Англија. Имаме цели што треба да ги постигнеме, изјави Кејн, цитиран од германските медиуми.