Канада воведува привремена забрана за влез за жители на три африкански држави како мерка за заштита од ебола

Канада синоќа соопшти дека ќе воведе привремена забрана за влез на нејзина територија за државјани и жители на Демократската Република Конго, Уганда и на Јужен Судан, како мерка поврзана со епидемијата на ебола во Африка.

Забраната ќе важи 90 дена, почнувајќи од денес, со цел да се намали ризикот од внесување и ширење на вирусот ебола во земјата, соопшти канадската Влада.

Светската здравствена организација претходно го зголеми нивото на ризик од ширење на сојот „Бундибугјо“ на ебола, предупредувајќи дека постои „многу висок“ ризик тој да прерасне во национална епидемија во ДР Конго. Организацијата исто така прогласи вонредна состојба со меѓународен карактер за Уганда.

Воведување слични мерки планираат и властите на Бахамите.

МИА