„Газета“: Фетел потпиша со Рејсинг Поинт

Според италијанското издание „Газета дело Спорт“, актуелниот возач на Ферари, Себастијан Фетел има потпишано долгорочен договор со екипата на Рејсинг Поинт. Така, Германецот ќе се приклучи на тимот за стартот на сезоната 2021 година, кога тимот ќе биде ребрендиран како Астон Мартин.

Преговорите меѓу двете страни започнале пред повеќе од два месеци, а треба да се разјасни само начинот на кој Германецот ќе го рекламира брендот.

Фетел ќе го замени Серхио Перез и ќе се здружи со синот на сопственикот на тимот Лоренс Строл – Ленс.

Веста за трансферот на Фетел требаше да биде официјално објавена меѓу двете трки на патеката „Силверстон“, но ова беше одложено поради позитивниот тест за коронавирусот на Перез, што бараше негово отсуство од британското гран-при минатата недела.