ЕСМ и натаму ќе снабдува по иста цена

ЕСМ и во следните шест месеци ќе и продава струја на ЕВН по иста цена. Државни електрани ќе ги покријат и сите планирани количини.

„ЕВН Хоум како Универзален снабдувач на електрична енергија, на тендерот за набавка на електрична енергија за задоволување на потребите на корисниците за периодот јули-декември 2025 доби најповолна понуда од АД ЕСМ со купопродажна цена на електрична енергија од 62 евра за мегаватчас, за покривање на 100% од вкупно планираните количини“, велат од ЕВН.

Оттаму посочуваат дека во наредниот период ќе ја пресметаат и финалната цена на струјата по однапред утврдени параметри и под комплетен надзор на Регулаторната комисија за енергетика.