ЦУК: До 13 часот регистрирани 10 пожари, од нив пет се активни, два се под контрола а три изгаснати

До 13 часот денеска, регистрирани се вкупно 10 пожари на отворен простор, од кои пет се активни, два се под контрола, а три се изгаснати, соопшти Центарот за управување со кризи.

Активни пожари има во: Општина Студеничани: с. Моране, с. Вртекица и с. Рамни Габер каде гори мешана шума, во Општина Македонски Брод кај м.в. Видуш, кај с. Драгов Дол и кај с. Локвица, опожарена е ниска вегетација, нискостеблеста шума и грмушки. Во Општини Велес кај с. С’лп, м.в. Горно Село со проширување кон с. Карабуњиште и селата Добрино и Тисовица во Општина Зелениково, каде гори ниска вегетација, дабова и габерова шума и квалитетна дабова шума. Потоа во Општини Јегуновце, Желино и Сарај: селата Копанце и Туденце (Општина Јегуновце), с. Церово (Општина Желино), со проширување кон с. Бојане (Општина Сарај) (мешана шума) и во Општина Штип во населба Балканска каде гори ниска вегетација.

Под контрола се пожарите во Општина Кратово кај с. Железница (депонија) и во Општина Делчево на локалната депонија.

Изгаснати пожари (3): Општина Куманово: с. Табановце – м.в. Сланиште (ниска вегетација), Општина Крушево 1: с. Алданци и с. Норово (ниска вегетација и нискостеблеста деградирана дабова шума) и во Општина Крушево 2: с. Борино и с. Житоше (ниска вегетација и деградирана дабова шума).

МИА