Безбедносна проценка: Најмалку 49.000 мигранти нелегално влегле во Сеута во последните денови

Најмалку 49.000 мигранти нелегално влегле во Сеута во последните денови, покажува првичната проценка на безбедносните сили, а најголем број преминувања е забележан вчера.

Оваа бројка значително ја надминува претходната миграциска криза во овој шпански автономен град од мај 2021 година, кога околу 10.000 луѓе успеале да ја преминат границата и да влезат во Сеута, пишува шпанскиот „Паис“.

Најмалку 18 лица загинаа за време на обидот за премин, претежно од давење. Шпанија испрати дополнителни полициски и воени сили во Сеута, а премиерот Педро Санчез денес треба да ја посети енклавата и да ја разгледа граничната област во близина на Тарахал.

Според официјалните податоци, Сеута има околу 83.600 жители.

Голем број луѓе кои влегле во градот во последните денови останале на улица, а некои од нив ја поминале ноќта на отворено.

Еден жител на Сеута ја опиша ситуацијата во градот како „постојани демонстрации“, наведувајќи дека голем број луѓе се постојано присутни на улиците.

МИА