Баерн и Фламенго први осминафиналисти на Светското клупско првенство

Германски Баерн и бразилски Фламенго се првите осминафиналисти на Светското клупско првенство, кое се одржува во САД.

Германскиот шампион обезбеди пласман во осминафиналето откако ја победи Бока Јуниорс со 2-1 во второто коло од Групата Ц во Мајами пред 64.000 гледачи.

Баварците го победија Оукленд Сити со 10-0 во првото коло, во второто триумфираа над Бока Јуниорс во второто, а во последното коло ќе се соочат со Бенфика.

Баерн е лидер на табелата со шест бодови, Бенфика има четири, Бока еден, а Оукленд е на дното со два порази. Во третото коло, Бенфика ќе игра против Баерн Минхен, а Оукленд против Бока Јуниорс.

Пласман во осминафиналето обезбеди и Фламенго со победата над лондонски Челзи со 3-1 во Филаделфија во натпревар од Групата Ц.

Тимот од Рио, кој во воведното коло го совлада туниски Есперанса со 2-0, сега има шест бодови пред средбата со Лос Анџелес в среда, додека Челзи ќе игра против тунискиот првак.