Во првиот квартал за 4,8 проценти намален прометот од продажба на услуги, зголемување во одделот Туристички агенции и туроператори

Прометот од продажбата на услугите е намален за 4.8 проценти во првото тримесечје од 2025 година во однос на истото тримесечје од претходната година, објави Државниот завод за статистика.

Во првото тримесечје од 2025 година, во однос на истото тримесечје од 2024 година, најголемо зголемување на прометот во услугите од 20.1 процент има во одделот Туристички агенции, организатори на патувања (туроператори) и останати резервациски услуги, како и дејности поврзани со нив.

Според податоците на ДЗС, во првиот квартал годинава во однос на истиот квартал лани најголем пораст од 11.4 проценти во прометот на услугите има во секторот Административни и помошни услужни дејности.