Вкупно девет пријави во последното деноноќие за семејно насилство

На 09.05.2026 во 22:15 часот, полициски службеници од СВР Куманово го лишиле од слобода Н.С.(49) од Куманово затоа што физички ја нападнал неговата мајка.

На 09.05.2026 во 15:00 часот, полициски службеници од СВР Куманово го лишиле од слобода А.С.(34) од Куманово затоа што физички ја нападнал неговата сопруга.

На 09.05.2026 во 17:00 часот во Скопје, полициски службеници од СВР Скопје го лишија од слобода И.Б.(40), постапувајќи по претходна пријава дека околу 10:00 часот во семејниот дом на подрачјето на Карпош упатувал закани кон неговата 68-годишна мајка и покрај Решението од Основен граѓански суд Скопје за отстранување од домот и забрана за приближување.

На 10.05.2026 во 05:00 часот во Скопје, полициски службеници од СВР Скопје го лишија од слобода Б.А.(45) од Скопје, постапувајќи по претходна пријава дека на 09.05.2026 околу 22:00 часот во неговиот дом на подрачјето на општина Аеродром во Скопје физички ја нападнал неговата 33-годишна партнерка од Скопје и ѝ упатувал закани со огнено оружје. Според пријавеното, тој и во изминатиот период бил насилен кон неа, но досега не го пријавувала.

На 09.05.2026 во 13:00 часот во Скопје, полициски службеници од СВР Скопје го лишија од слобода Б.Џ.(34) од Скопје, постапувајќи по претходна пријава дека во 07:00 часот во семејниот дом на подрачјето на Бит Пазар физички ја нападнал неговата 41-годишна сопруга. Според пријавеното, тој и во изминатиот период физички и психички ја малтретирал.

На 10.05.2026 во 03:15 часот во Скопје, полициски службеници од СВР Скопје лишија од слобода 16-годишник од Скопје, постапувајќи по претходна пријава дека околу 01:30 часот во семејниот дом на подрачјето на Центар физички го нападнал неговиот 50-годишен татко.

На 09.05.2026 во 13:40 часот, полициски службеници од СВР Скопје извршиле службен разговор со С.Д.(33) од скопско село, постапувајќи по претходна пријава дека на 08.05.2026 околу 18:00 часот во семејниот дом физички ја нападнал неговата сопруга и ѝ упатувал закани со остар предмет. Според пријавеното, таа во изминатите пет години била психички и физички малтретирана од нејзиниот сопруг, но досега не пријавувала.

На 10.05.2026 во 03:00 часот во СВР Скопје, 37-годишна жена од Скопје пријави дека на 09.05.2026 околу 01:00 часот во сместувачки објект на подрачјето на Бит Пазар била физички нападната од нејзиниот партнер Г.К. од Турција.

На 10.05.2026 во 00:20 часот во Штип, полициски службеници од СВР Штип го лишија од слобода А.В.(44) со престој во Штип, постапувајќи по претходна пријава од неговата 41-годишна сопруга дека на 09.05.2026 во семејниот дом, по претходна расправија помеѓу нив, пријавениот го турнал нивниот малолетен син.

Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.