Рекорднa запленa од 206 кг кокаин на границата меѓу Бугарија и Турција, приведен дипломат

Дрогата, со проценета вредност од околу 20 милиони евра, била откриена во комбе со белгиски регистарски таблички, скриена меѓу лични предмети во пет куфери.

Станува збор за најголема заплена на дрога на бугарска копнена граница досега.

Уапсени се 40-годишен дипломат од Конго, 54-годишен белгиски државјанин и 43-годишен Бугарин кој управувал со возилото. Окружниот обвинител Иван Стојанов изјави дека осомничените се соочуваат со затворска казна до 20 години доколку бидат прогласени за виновни за трговија со дрога.

Покрената е меѓународна истрага за потеклото на кокаинот и неговите крајни приматели, со учество на агенции од други земји на ЕУ. 

МИА