Охрид полн со туристи за Божиќ

Православните храмови во Балканскиот Ерусалим исполнети со верници. 

Охриѓани но и оние гости кои за празниците се во Охрид присуствуваа на празничните богослужби , палеа свеќи со желби за здравје и благосостојба во семејствата, а оние пак кои ги постеа Божиќните пости за примија светата причест. 

Божиќ е денот на Христовото раѓање тој е втор најголем празник во христијанството.Божиќ е семеен празник и на овој ден традиционално семејствата се собираат на празничен ручек.

Според православниот обичај Божиќ се слави три дена, а верниците се поздравуваат со зборивите Христос се роди - Навистина се роди.