Нови правила за фер вработувања во јавниот сектор

Знаењето и стручната подготвеност да бидат главен критериум за вработување во јавната администрација.. Ова е предвидено со правилникот на Министерството за јавна администрација кој треба да стави крај на субјективноста при вработувањето во јавниот сектор..

„Нивната цел е да им помогнат на институциите да спроведуваат постапки за вработување кои се објективни, фер, транспарентни и засновани на реалните компетенции на кандидатите. Со нив, воведуваме појасни стандарди за проценка на компетенциите, поголема предвидливост на постапките и посилен фокус на интегритетот како вредност која треба да биде составен дел од секоја јавна институција“, изјави Горан Минчев, Министер за јавна администрација. 

Правилникот за работни компетенции и прирачникот за спроведување интервју за работа, беа презентирани денеска, а нивната изработка е помогната од Мисијата на ОБСЕ во земјава.. Според нивниот претставник во земјава, целта е вработувањата во јавната администрација да бидат по заслуга, а не политички фаворизирани..

Со новите механизми, според надлежните, институциите добиваат насоки за спроведување на постапките за вработување за да се намали просторот за влијание, со што ќе се зголеми и довербата на граѓаните во јавната администрација..