Нема веќе непоразени сезонава во НБА, Бостон му го нанесе првиот пораз на Кливленд

Заврши победничката серија на Кливленд Кавалирс и со тоа нема веќе непоразени екипи оваа сезона во најсилната кошаркарска лига на светот – НБА.

Актуелниот шампион Бостон Селтикс ноќеска го победи Кливленд со 120:117. Ова е прв пораз за Кавалирс по 15 последователни победи од почетокот на сезоната.

Најзаслужен за победата на домаќините е Џејсон Тејтум кој постигна дабл-дабл со 33 поени и 12 скока.

Во поразениот тим се истакна Донован Мичел со 35 поени.

Кливленд е на првото место во Источната Конференција со скор 15-1. Бостон е втор со 12 победи и три порази.