МЗТ Скопје вечерва го пречекува вечниот ривал Работнички

Вечерва во 20.15 минути стартува полуфиналната пресметка во плејофот помеѓу големите градски ривали МЗТ Скопје и Работничи. 

Металците се домаќини но и фаворити на оваа средба но не потценуваат противникот и очекуваат спектакл во Јане Сандански. 

МЗТ Скопје е бранител на шампионската титула а своите квалитети ги потврди и во регуларниот дел од сезоната кога двапати го совлада ривалот од градскиот парк.  Сепак актерите од двете екипи се свесни дека ова е големо дерби и затоа се очекува интересна пресметка особено што Работнички знаеше да блесне во дуелите со Гостивар во претходната рунда. 

Мечот се игра во две добиени средби.  Досега МЗТ и Работнички одиграле 162 средби а поуспешни се гостите кои имаат дваесетина победи повеќе.