Мечки ги пустошат пчеларниците

Охридските пчелари се соочуваат со сериозни штети од дивеч, мечки ги пустошат пчеларниците, го јадат медот и ги уништуваат пчелните сандаци предизвикувајќи илјадници евра загуби. Најкритично е на потегот околу планината Галичица, на просторот околу Горица до Свети Стефан  и целиот реон на Дебарца.

Во време кога се борат да опстанат поради намален род и нелојална конкуренција ова е уште еден удар врз нивната егзистенција.

Пчеларите за да добијат обештетување треба околу пчелните семејства да имаат поставено електрични огради. Покрај тоа што ги уништува пчеларниците мечката претставува потенцијална опасност и за луѓето.