Ѓоковиќ против дебитантот Дрејпер на стартот на Вимблдон

Најдобриот светски тенисер Новак Ѓоковиќ ќе ја почне одбраната на титулата на Грен-слем турнирот во Вимблдон против домашниот тенисер, Британецот Џек Дрејпер, одлучено е денеска со жрепка во Лондон.

Натпреварот против Ѓоковиќ, закажан за в понеделник од 14 часот, ќе биде дебитантски на грен-слем турнирите за 19-годишниот Дрејпер, кој во моментов е рангиран на 250. место на АТП листата.

Ѓоковиќ е петкратен освојувач на Вимблдон и ја брани титулата освоена во 2019 година кога во епското финале го совлада Швајцарецот Роџер Федерер со 7:6 (7:5), 1:6, 7:6 (7:4), 4:6, 13:12.