ФА: Мудрик пред четиригодишна суспензија

Фудбалерот на Челзи и украински репрезентативец, Михаил Мудрик (23) се соочува со суспензија до четири години, откако Англиската фудбалска асоцијација (ФА) подигна обвинение поради кршење на правилата за допинг.

На крајот на октомври лани, во примерокот од урина на Мудрик за време на антидопинг контролата беше пронајдено присуство на забранета супстанца. Од крајот на ноември, Мудрик не одигра ниту еден натпревар за Челзи и е привремено суспендиран.

„Потврдуваме дека Михаил Мудрик е обвинет за кршење на антидопинг правилата поврзани со присуство или употреба на забранети супстанции“, соопшти ФА.

Мудрик претходно ги негираше обвиненијата, велејќи дека е „целосно шокиран бидејќи не прекршил ниту едно правило“ и оти никогаш „свесно не користел забранети супстанции“.