ЕУ во вториот квартал купила исти колични нафта, но ги платила 55,8% поскапо

Во вториот квартал од 2026 година, вредноста на увозот на нафта во ЕУ нагло пораснал за 55,8%, иако количините останале речиси исти како во претходните кавратали, околу 36,7 милиони тони, објави Евростат.

Што се однесува до течниот природен гас, вредноста на увозот се зголемил за 4,1%, додека количините се намалени за 5,6%.

Во истиот период, увозот на природен гас во гасовита состојба забележал раст и во поглед на вредноста (+18,5%) и во поглед на обемот (+3,4%).

Најголемите добавувачи на енергенти во вториот квартал од 2026 година биле САД и Норвешка. Главни добавувачи на нафта за ЕУ ​​се САД (18,8%), Норвешка (14,3%) и Казахстан (13,4%).

Најголем дел и од течниот природен гас е увезен од САД (63,2%). Уште 17,3% потекнуваат од Русија, а 8,1% од Алжир.

Норвешка била главен добавувач на природен гас во гасовита состојба (51,2%), по што следуваа Алжир (18,2%) и Обединетото Кралство (11,1%), кое ја надмина Русија (10,2%) и влезе во групата на трите најголеми партнери на ЕУ.

МИА