Џони Деп ја тужи поранешната, таа злоставувала и жени

Адвокатите на Џони Деп испратиле судски повици до Амбер Херд, „нејзините пријатели измамници” и на поранешното момче, милијардерот Илон Маск.

-Повиците се упатени кон секој, кој и помагал на Амбер во оваа измама и сакаме да ги сослушаме со лавина од снимени докази, како фотографски, така и клипови, кои се во колизија со нивните тврдења во корист на Херд, изјави адвокатот на Џони Деп, Адам Волдман.

-Амбер клеветеше, лажеше на суд и намерно му наштети на мојот клиент. За жал, тоа не е сè, ние во моментов разговараме со повеќе жени кои биле цел на нејзино насилство”, додаде тој.

Амбер се разведе од Џони во 2016 година, и го обвини за семејно насилство. Тој тогаш и плати седум милиони долари за повеќе да не зборува за нивната врска, а Амбер тоа го прекрши во декември минатата година. Сега Деп ја тужи и бара 50 милиони долари отштета.