Димитријевиќ за поразот од Естонија: Загубивме сила во второто

Плејмејкерот на македонската кошаркарска репрезентација, Ненад Димитријевиќ, даде свое видување на синоќешниот натпревар со Естонија.

Гостите славеа победа во СРЦ „Кале“ во Скопје со 74:69, иако на полувреме македонските кошаркари имаа предност од седум поени 43:36. 

- Тежок натпревар, знаевме дека ќе играме со квалитетна естонска селекција. Ги знаевме нивните квалитети, одигравме одлично прво полувреме, но потоа загубивме сила во второто полувреме. Имаме и втор меч, имаме и уште други натпревари против Полска и Литванија така што сигурно нема да се откажеме. Создадовме добра енергија, квалитетно работевме во овој период, креиравме одлична хемијаа во тимот, и тоа ни дава верба дека можеме да играме на високо ниво и на следните натпревари, изјави Димитријевиќ, кој поради болки во ногата, мораше на принуден одмор во текот на последната четвртина.

-Силен грч, прв пат ми се случува оваа сезона. Разочаран сум што мораше да ми се случи токму денес. Искрено сум разочаран за она што се случи, истакна македонскиот кошаркар на прес-конференцијата по натпреварот.

Димитријевиќ натпреварот го заврши со 25 поени, три асистенции и два скока за нешто повеќе од 30 минути поминати на теренот.