Басилашвили го елиминира Федерер

Грузискиот тениски ветеран Николоз Басилашвили се врати од сет негатива за да стави крај на камбекот на Роџер Федерер на Катар опен со 3:6/6:1/7:5 победа. Басилашвили беше агресивен од основната линија и спаси седум од 10 брејк топки вклучувајќи меч-топка на 4:5 во одлучувачкиот сет за победа по еден час и 50 минути игра.

 

29-годишниот Грузиец влезе на турнирот со пет порази во низа, а ова му беше прва победа во кариерата против Федерер за пласман во прво АТП-полуфинале од Хамбург во 2019 година. Басилашвили за место во финалето ќе игра со Американецот Тејлор Фриц, кој со 5:7/6:3/7:5 го победи Денис Шаповалов.

 

Швајцарецот го имаше првиот настап по Австралија опен оваа недела победувајќи во првиот меч против Ден Еванс по што најави дека не е сигурен колку турнири од сезоната на земја ќе игра признавајќи дека турнирите на трева се вистинскиот почеток на сезоната.