Во второто коло елиминирана Кенин, бранителката на трофејот на Австралија опен

Австралија опен ќе добие нов шампион во женска конкуренција, откако ноќеска американската тенисерка Софија Кенин во 2. коло на загуби од Каја Канепи со 3:6 и 2:6.

– Не знам што ми се случи. Јас едноставно не можам да го фатам својот ритам. Но, не треба да се потценуваат заслугите на Канепи, денес таа беше навистина добра, нејзините удари беа скоро совршени, изјави Кенин по поразот.

Следен противник на Канепи ќе биде Хрватката Дона Векиќ, која ја победи Аргентинката Надија Подороску во два сета – 6:2, 6:2.

Дваесет и двегодишната Кенин минатата година во финалето на Грен слемот во Мелбурн ја победи Ешли Барти со 7:6, 7:5.