Три германски партии го напуштија Икс, тврдејќи дека шири пропаганда и дезинформации

Владејачката Социјалдемократска партија на Германија (СПД) и опозициските Зелени и Левица, во координирана акција ја напуштија социјалната мрежа Икс и ја обвинија дека се повеќе шири ултрадесничарска пропаганда и дезинформации.

Икс изминатите години потона во хаос, сè повеќе е доминиран од десничарски ботови. Политичките дебати живеат од размена на мислења и да допрат до луѓето и ги информира. Повеќе не сакаме да зајакнуваме место како Икс, кое охрабрува десничарска популистичка содржина, омраза и дезинформации – наведоа трите партии во заедничка изјава.

За почеток партиските профили на Икс нема да бидат изгасени туку само деактивирани. Партиите им препорачаа на своите членови и симпатизери да го бојкотираат Икс, при тоа наведувајќи оти тоа е работа на нивната слободна волја.

Икс, претходно Твитер, беше купена во 2022 година од американскиот милијардер Илон Маск за 44 милијарди долари. Откако тој стана сопственик, следеа бројни, честопати хаотични, промени.

Германската федерална комесарка за борба против дискриминацијата, Ферда Атаман, на почетокот од 2025 година, ја повика владата во Берлин да ги затвори профилите на Икс поради тоа што социјалната мрежа станала инструмент што го користи најбогатиот човек во светот за политичко влијание.

СПД во Бундестагот има 120 пратеници, Зелените – 85, а Левица – 65 мандати од вкупно 630 пратеници.

MИА