Швајцарски научници развиваат метод за „лемење“ на рани наместо зашивање

Швајцарските научници развиваат метод за „лемење“ на раните наместо да ги зашијат, бидејќи тоа би можело да помогне да се спречат компликации опасни по живот.

Истражувачки тим од Швајцарската федерална лабораторија за наука и технологија за материјали (Емпа) и Федералниот институт за технологија ЕТХ Цирих аплицираа за патент за процесот, објави денеска Емпа.

Во принцип, „лемењето“ на рани со новиот метод функционира на ист начин како и лемењето на два метали: потребен е лем што се топи на ниска температура и може да се користи за спојување на двата дела, јавија швајцарските медиуми.