Ракометниот куп за Вардар

Ракометарите на Вардар триумфираа во националниот куп откако во финалето го совладаа големиот ривал Еурофарм Пелистер со 26-25.

Црвено црните беа подобра екипа во текот на целиот меч, имаа водство до самиот почеток и во еден момент го зголемија на 8-3 за да на полувреме заминат со 4 погодоци предност.

И во вториот дел црвено-црните беа во водство иако битолчани се доближуваа на два гола за да Вардар се врати на 4 и така до финишот кога Пелистер го анулираше водството на противникот на само еден гол но не погоди од последниот удар од 9 метри.

Ова е 16-та куп титула за Вардар.

Најдобри во редовите на Вардар беа Куни Моралес и Леонардо Дутра со по седум голови, додека кај Пелистер по пет погодоци постигнаа Усама Хосни и Мохамед Суси.