Претставени шесте кандидати за македонски претставник на Евровизија 2022

Претставени шесте песни кои се во трка да бидат претставник на Македонија за овогодишниот Евросонг во Торино, Италија.

За претставник на Македонија се борат: Ris Flower, Kaly, Лара Иванова, Yon Idy, Виктор Апостоловски и Андреа.

Платформата за гласање е отворена седум дена од промоција на песните, односно од 28.01.2022 во 22:00ч до 04.02.2022.

Гласовите од онлајн гласањето се половина од финалниот резултат, а другата половина ќе се добие од гласови на меѓународно стручно жири. Гласовите од онлајн гласањето и гласовите на меѓународното стручно жири ќе бидат претворени во поени, според евровизискиот принцип на гласање (50:50).

Победник ќе биде изведувачот кој ќе освои најмногу поени и тој ќе ја претставува земјата на Изборот за песна на Евровизија 2022 во Торино. Доколку дојде до изедначен број на поени, тогаш предност ќе има мислењето на меѓународното стручно жири.

Можете да гласате ТУКА.