Преглед на вестите од светот

Американскиот претседател Доналд Трамп замина за Кина во услови на нерешена војна со Иран, со дипломатски преговори кои се во ќорсокак. Трамп се потпира на Кина да го искористи своето влијание за да го натера Техеран да склучи договор со Вашингтон и да го прекине конфликтот што започна кон крајот на февруари. Кина одржува добри врски со Иран и останува главен потрошувач на неговиот извоз на нафта.

Републиканскиот претседател треба да пристигне во Пекинг во среда, пред разговорите што треба да се одржат во четврток и петок. Ова ќе биде неговото прво патување во Кина од 2017 година.

Трамп, изјави дека ќе има долг разговор со кинескиот претседател Си Џинпинг за војната во Иран за време на неговото претстојно патување.

„Да бидам искрен, не мислам дека ни треба никаква помош со Иран. Тие се поразени воено и или ќе го направат правилното нешто или ние ќе ја завршиме работата.“

Лидерите на двете најголеми економии во светот ќе ги одржат своите први разговори лице в лице по повеќе од шест месеци, во обид да ги стабилизираат врските затегнати поради трговијата, војната на САД и Израел со Иран и други области на несогласување.

На заминувањето Трамп се осврна и војната во Украина со напомена дека крајот е блику и дека верува во договор меѓу Русија и Украина.

Кинескиот министер за надворешни работи Ванг Ји во вторникот го повика Пакистан да ги засили напорите за посредување и да придонесе за правилно решавање на прашањата поврзани со отворањето на Ормутскиот теснец.
Тој го упати апелот при разговарот со пакистанскиот заменик-премиер и министер за надворешни работи Мохамед Ишак Дар по телефон.

Дар го информираше Ванг за неодамнешните напори за посредување на Пакистан во олеснувањето на разговорите меѓу Иран и САД, ѝ се заблагодари на Кина за нејзината поддршка на напорите на Пакистан за промовирање на дијалогот и изрази надеж дека ќе ја зајакне координацијата со Кина за заеднички да играат позитивна улога во одржувањето на регионалниот мир и стабилност.

Мировните разговори меѓу САД и Иран остануваат во ќорсокак, при што двете страни ги повлекуваат своите црвени линии и заземаат цврсти ставови бидејќи клучните спорови продолжуваат, но едномесечниот кревок прекин на огнот меѓу нив сè уште важи.

Во вторник, претседателот на иранскиот парламент, Мохамед Бакер Калибаф, рече дека САД немаат друга алтернатива освен да ги прифатат правата на иранскиот народ. Иран постави пет услови за влез во нова рунда преговори, а тие се: крај на сите фронтови на војната, особено во Либан, укинување на санкциите, ослободување на замрзнатите ирански средства, надомест за воена штета и признавање на авторитетот на Иран над Ормутскиот теснец.