Пожар во индустриска зона во ОАЕ по напад со дрон од иранско производство

Властите на Обединети Арапски Емирати (ОАЕ) соопштија дека во индустриската зона Фуџаира избувна пожар по „напад со дрон, произведен во Иран“.

Фуџаира е најголемото пристаниште и централно складиште за нафта во ОАЕ, кое дури и пред примирјето беше цел на напади со беспилотни летала.

Претходно, ОАЕ издадоа уште едно предупредување за ракетен напад. Тоа е второ предупредување денеска, а изминатите недели не беа издадени никакви предупредувања откако стапи на сила договорот за прекин на огнот со Иран.

Министерството за одбрана на ОАЕ соопшти дека пресретнало три ракети од Иран.

За сега нема информации за евентуални жртви.

МИА