Вардар на „поправен“ против Мотор Запорожје

 

 

 

Во натпревар од Б групата на СЕХА лигата вечерва во „Јане Сандански“ вардарци ќе се обидат да  го поправат впечатокот по поразот од Нексе пред три дена. 

 

Црвено-црните нема да имаат ни малку лесна задача бидејќи за противник ќе го имаат Мотор Запорожје, тим кој во досегашниот тек од регионалното натпреварување има максимални три победи и е на првото место на табелата во оваа група. 

 

Вардарци пак се со половичен учинок со по две победи и порази. 

 

Потсетување дека првиот меѓусебен дуел одигран пред дваесет дена во Украина заврши со победа на Мотор со 30-23. 

 

Вечерашниот дуел меѓу Вардар и Мотор Запорожје ќе започне во терминот од 20 часот и 15 минути.