Е. Пелистер победи на гостувањето кај Металопластика

Ракометарите на Еурофарм Пелистер славеа победа на гостувањето кај Металопластика во натпревар од регионалната СЕХА лига. Во натпревар од А групата Еурофарм Пелистер  ја победи Металопластика со 34-27. 

 

Најзаслужни за третата победа на пелоистерци во регионалното натпреварување беа капитенот Чанески кој средбата ја заврши со 14 одбрани, а во нападот се истакна Граџан кој со 7 гола беше најефикасниот во победничката екипа. 

 

Пелистерци сега имаат 9 бодови колку и ППД Загреб но хрватскиот шампион има одиграно еден натрпревар помалку.

 

Следениот натпревар Битолчани ќе го играат на гости против Татран Прешов на 3 април.

 

Потсетување дека вчера Вардар загуби на гостувањето кај Нексе со 36-32, а веќе утре (20:15 часот) вардарци ќе го играат натпреварот против украинскиот 

 Мотор Запорожје.