УЕФА дозволи Македонија да има навивачи на дуелот со Косово

Ќе имаат и поддршка од трибините македонските фудбалери во историскиот натпревар против Косово за пласман на ЕП ќе зависи исклучиво од здравствените власи во нашата земја. 

 

Ова следи откако УЕФА дозволи гледачи на трибините на натпреварите веќе од следната седмица.

 

Имено Супер купот на Европа, што се одржа во Будимпешта со лимитирано присуство публика, беше успешен тестот па УЕФА реши да даде зелено светло за отворање на стадионите на натпреварите што се во нејзина организација. 

 

-Ова е прв чекор за враќање на навивачите, но истовремено и почитување на локалните закони во секоја земја. Секоја земја има различен пристап и закони, а оваа одлука е флексибилна. Дозволува да има гледачи, а истовремено и ги почитува локалните закони. Важно е да се врати надежта и страста за фудбалот, а јас на сите навивачи им порачувам да се однесуваат одговорно и да ги почитуваат сите мерки за заштита, изјави меѓу другото првиот човек на европскиот фудбал Александар Чеферин.

 

Препораката на УЕФА е да има присуство на публика на стадионите до максимални 30 проценти од капацитетот на стадионите, притоа нема да смее да има гостински навивачи и се разбира со почитување на здравствените мерки.

 

Одлуката сега останува на локалните власи, кои треба да „пресечат“. 

 

Ќе биде ли искористена оваа шанса, па македонските фудбалери да ја имаа неопходната и толку посакувана поддршка од трибините на Националната арена „Тодор Проевски“ во плејоф мечот против Косово закажан за 8 октомври, преку кој црвено-жолтите ја бркаат историската шанса за прв настап на Европските првенства, останува да се види и сочека одлуката на нашите здравствени власти.