ОСМА ГОДИНА ПО РЕД: Ова е најдобрата диета

ДАШ диетата осма година по ред е прогласена за најдобра диета во светот според експертите од американскиот Национален институт за здравство, а на листата веднаш зад неа се наоѓа медитеранската диета.

ДАШ диетата настанала како проект на истражувачи кои го формирале Националниот институт за истражување на болести на срцето, белите дробови и крвта во САД.

Основната идеја била да се смисли диета која ќе го спречи покачувањето на притисокот, но се покажало дека истатата одлично го елиминира лошиот холестерол, а ги топи и маснотиите.

Истата се темели на зеленчук и житарици со цело зрно, како и мал внес на црвено месо, слатки и засладени пијалоци.

Што се однесува до критериумите по кои се избира најдобрата диета, истата треба да биде хранлива, сигурна и ефикасна во губењето на килограмите. Не смее да стимулира шеќерна болест и срцеви болести.

Во образложението за одлуката, научниците утврдиле дека ДАШ диетата е здрав план на исхрана кој поддржува долгорочни промени во животниот стил.

ДАШ и медитеранската диета постојано се истакнуваат како најдобар избор за диети бидејќи се добро балансирани и едноставно за држење затоа што вклучуваат разни намирници.