Младинците ги одработуваат мини подготовките за последните два дуели во евро-квалификациите

Младата македонска фудбалска селекција до 21 година се подготвува за последните два натпревари во квалификациите за Европското првенство.

 

Сеуште со надеж и теоретски шанси да се вбројат меѓу петте најдобро второ рангирани селекции кои ќе обезбедат пласман на Европското првенство, младите македонски фудбалери одработуваат мини подготовки пред дуелите со Израел и Црна Гора. 

 

Последни кои ќе им се приклучат на останатите повикани од селекторот Благоја Милевски се интернационалците Агрон Руфати, Давид Тошевски и Димитар Митровски. 

 

Во пресрет на првиот дуел со Израел на гостински терен закажан за во четврток (12 ноември од 18:30 часот), а потоа и последниот меч против Црна Гора што ќе се игра во Скопје (17 ноември – 13:30 часот), нашите млади фудбалер се на 2.место на табелата во групата 6 со освоени 14 бода, два повеќе од Израел (12) и дури осум помалку од лидерот Шпанија (22).