Македонската делегација ќе присуствува на состанокот на ЕУ со балканските земји во Њујорк

Македонската делегација предводена од премиерот Христијан Мицкоски, која присуствува на Генералното собрание на Обединетите нации во Њујорк, денеска треба да учествува на состанокот на лидерите на Европската Унија и Западен Балкан, јави специјалниот известувач на МИА од Њујорк.

Состанокот го води високата претставничка за заедничка безбедносна и надворешна политика на ЕУ, Каја Калас.

Во пресрет на состанокот македонскиот премиер Мицкоски повика на вклучување претставници на ЕУ со цел подобрување на дијалогот за разликите со Бугарија.

Премиерот Мицкоски исто така информира дека доаѓаат позитивни сигнали од Европската Унија, особено по самитот на ЕУ и земјите од Западен Балкан во Тиват кога од Германија и Франција произлезе иницијатива за реформи во процесот на проширување.

МИА