Лил е новиот француски првак

 

Екипата на Лил е новиот француски првак. 

 

Тимот на Лил славеше победа против Анжер на гостински теренс со 1-2 во последното мколо од Лига 1, со што ја сочува минималната предност од еден бод во однос на ПСЖ чиј триумф над Брест од 2-0 остана залуден. 

 

Така Лил по десет години пауза повторно се закити со шампионскиот трофеј со што ја прекина и доминацијата на ПСЖ кој во последните десет сезони освои девет шампионски трофеи. 

 

Покрај овие две екипи место во Лигата на шампионите обезбеди и Монако.

 

Имено иако тимот од кнежевството одигра без голоти 0-0 со Ленс, таа шанса ја  пропушти Лион, кој на домашен терен загуби од аутсајдерот Ница со 2-3, па Монако остана на третата позиција и ќе игра во квалификациите на Лигата на шампионите, додека Лион заедно со Марсеј ќе настапуваат во Лига Европа. 

 

Место на европската сцена обезбеди и Рен и тоа во Конференциската лига. 

 

Следната сезона во Лига 1 нема да ги гледаме екипите на Дижон и Немс додека Нант ќе разигрува за опстанок во елитното француско фудбалско друштво.