КЛ: Рајо Ваљекано, Кристал Палас, Стразбур и Шахтјор полуфиналисти

Шпански Рајо Ваљекано, украински Шахтјор, англиски Кристал Палас и француски Стразбур се полуфиналисти во Конференциската лига на УЕФА.

Рајо Ваљекано претрпе пораз синоќа од 1-3 во Атина од АЕК, но, сепак, ја soчува предноста од 3-0 од првиот натпревар на домашен терен.

Противник на шпанскиот клуб за место за финалето ќе биде Стразбур кој со триумфот над Мајнц од 4-0 ја надомести негативата од 0-2 од првиот натпревар.

Во второто полуфинале ќе играат Кристал Палас и Шахтјор.

Англискиот тим го загуби реваншот од Фиорентина со 1-2, но предноста од 3-0 од првиот натпревар беше доволна за пласман понатаму.

Предноста од 3-0 од првиот натпревар ја сочува и Шахтјор, одигрувајќи нерешено 2-2 на реваншот против АЗ во Алкмар.

Полуфиналињата се на програмата на 30 април и 7 мај, а финалето е на 27 мај на „Ред Бул Арена“ во Лајпциг.

МИА