Кање Вест најави настап во Русија и средба со Путин
Познатиот рапер Кање Вест наскоро ќе отпатува за Русија, каде што ќе настапи, ќе се сретне со рускиот претседател Владимир Путин и ќе постигне деловни договори со тамошни магнати. Оваа вест можеби и не е толку изненадувачка, ако се земе предвид тоа дека тој своевремено се нарекуваше „млад Путин“.
Вест ќе пристигне во Москва подоцна оваа година, каде што ќе ги одржи своите први настапи во овој град, а има намера да постигне деловни договори со тајкунот Арас Агаларов и неговиот син, музичарот Емин. Советникот на рускиот рапер – Амир Судан тврди дека тоа ќе му помогне на Емин да го изгради својот меѓународен углед, а договорите на Агаларов, наводно, се очекува да му донесат милијарди.
Агаларов е познат по инвестирањето во странство, а и по тоа што постигна договор со поранешниот американски претседател Доналд Трамп за одржување на Мис Универзум во 2013 година во Москва. Тие разговараа и за проектот за развој на „кула Трамп“ во Москва, но тоа не се оствари. Внимание привлекува и планот на Вест да се сретне со Путин. Рускиот претседател не е љубител на рапот, но ќе има и други заеднички теми со раперот, особено околу религијата, како што се наведува.
Ново на Сител
-
СП 2026: Ибрахимовиќ го критикуваше Роналдо по натпреварот против ДР Конго
-
Мицкоски: Пред помалку од две години како Влада почнавме од нула, а направивме Македонија да биде во топ пет во Европа по раст на БДП
-
Мицкоски: Мојата визија е Македонија да стане држава на можности, а не на изговори, Македонија забрзува
-
По втор пат во историјата, жена ќе биде главен судија на натпревар од Светско првенство
-
СП 2026: Кејн двоен стрелец во триумфот на Англија над Хрватска
-
УХМР: Најмногу врнежи во Гевгелија, денеска сончево и топло со температура до 34 степени
-
Лидерите на ЕУ во Брисел ќе разговараат за безбедноста, Украина и проширувањето
-
Меморандумот за разбирање прв чекор до конечен мировен договор помеѓу САД и Иран
